Нийслэлийн Баянзүрх дүүргийн 155-р сургууль Эрхүү хотын 6-р сургуультай хамтын ажиллагааны гэрээ байгуулав.

Нийслэлийн Баянзүрх дүүргийн 155-р сургуулийн захирал Д.Болдоор ахлуулсан удирдлагын баг ОХУ-ын Эрхүү хотын VI сургуультай хамтын ажиллагааны гэрээ байгууллаа.
Цаашид тус сургуулиуд: Сургуулийн менежмент, багшийн хичээл сургалт зохион байгуулах арга зүй, багш, сурагч солилцоо, орос хэлний багш нарын сургалтыг харилцан зохион байгуулах юм.

Эрхүүгийн Судалгаа, техникийн их сургууль (ИРНИТУ)-ийн Олон улсын үйл ажиллагааны чиглэл хариуцсан удирдлагын багийн дарга А.Е.Мелентьеватай уулзаж ЕБС-ийн төгсөгч нарыг сургах тал дээр санал солилцов. 

"Лесной комплекс" цогцолбор сургуулийн үйл ажиллагаатай танилцан туршлага судаллаа. Мөн Эрхүү хотын түүхийн музейтэй танилцав.