“Бүхнийг фронтод, Бүхнийг ялалтын төлөө” үзэсгэлэнгийн нээлтийн арга хэмжээ болов.

Ерөнхий консулын газраас ялалтын 80 жилийн ойд зориулж, санаачлан зохион байгуулсан  “Бүхнийг фронтод, Бүхнийг ялалтын төлөө” үзэсгэлэнгийн нээлтийн арга хэмжээ Эрхүү хотын Түүхийн музейд 2025 оны 02 дугаар сарын 25-ны өдөр  болов.

Нэг сарын турш үзэгчдийн хүртээл болох тус үзэсгэлэнд БНМАУ-ын баатар, ЗХУ-ын 4 удаагийн баатар, маршал Г.К.Жуковын нэрэмжит музейд хадгалагдаж буй 120 гаруй үзмэр, түүхэн гэрэл зургуудыг дэлгэн тавьсан юм.

Үзэсгэлэнгийн нээлтэд Ерөнхий консул Б.Ичинхорлоо, Эрхүү мужийн Хууль тогтоох хурлын нэгдүгээр орлогч дарга К.Р.Алдаров, ОХУ-ын ГХЯ-ны Эрхүү дэх ТГ-ын тэргүүн А.А.Котельников, Эрхүү мужийн Соёлын сайд О.Н.Полунина нар үг хэлэн, Эрхүүгийн Монголын анд нөхдийн нийгэмлэгийн удирдах зөвлөлийн гишүүд, оюутан, залуус болон урлаг, соёлын салбарын төлөөлөл болох нийт 50 гаруй зочид хүрэлцэн ирлээ. Нээлтийн үйл ажиллагаанд олноо “Фронт Цэгмид” хэмээн алдаршсан өдгөө 101 настай С.Цэгмид гуай видео мэндчилгээ дэвшүүлж, МУГЖ дуучин С.Баярмаа, СТА дуучин Г.Уянга, Б.Гантөмөр нар ая дууны мэндчилгээ дэвшүүлэв.