“Элчин сайд Кэйти Смитт-д “Алтан гэрэгэ” гардуулав”
Гадаад харилцааны сайд Б.Батцэцэг Австралийн Холбооны Улсаас Монгол Улсад суугаа Элчин сайд Кэйти Смиттийг 2025 оны 3 дугаар сарын 25-ны өдөр хүлээн авч уулзав. Элчин сайд К.Смитт богино хугацаанд идэвх зүтгэл гарган ажиллаж, хоёр улсын харилцааг өргөжүүлэн бэхжүүлэх үйлсэд өөрийн хувь нэмрийг оруулсанд талархал илэрхийлж, Гадаад харилцааны яамны “Алтан гэрэгэ”-г гардуулж, цаашдын ажил үйлст нь амжилт, эрүүл энх сайн сайхныг хүсэв.
Дээрх мэдээллийг үндэсний монгол бичгээр хүлээн авч уншин, мэдлэг чадвараа нэмэгдүүлээрэй.
Эх сурвалж:
Монгол Улсын Гадаад харилцааны яам