Монгол Улсаас ОХУ-ын Эрхүү хотод суугаа Ерөнхий консул Б.Ичинхорлоо ОХУ-ын Усть-Ордын Буриадын тойргийн 6 дүүргийн дарга, хурлын дарга нарыг хүлээн авч уулзав.

Ерөнхий консул Б.Ичинхорлоо ОХУ-ын Эрхүү мужийн Хууль тогтоох хурлын даргын Нэгдүгээр орлогч дарга К.Р.Алдаров, Алар дүүргийн дарга Р.В.Дульбеев, Баяндаев дүүргийн дарга А.П.Табинаев, Бохан дүүргийн дарга Э.И.Коняев, Осин дүүргийн дарга Б.М.Хошхоев, Эхирит-Булагат дүүргийн дарга Б.Г.Хатуев, Алар дүүргийн Думын дарга А.Г.Попик, Бохан дүүргийн Думын дарга А.Л.Протопопов, Нукут дүүргийн Думын дарга А.В.Шаракшинов, Осин дүүргийн Думын дарга А.П.Бухашеев, Эрхүү мужийн Ольхон дүүргийн Думын дарга И.А.Жербаков нарыг Сагаалган баярыг тохиолдуулан 2025 оны 03 дугаар сарын 29-ний өдөр хүлээн авч уулзав.

Уулзалтаар талууд хоёр улсын бүс нутаг хоорондын харилцаа, хамтын ажиллагаа идэвхтэй өргөжин хөгжиж буйг тэмдэглэж, Монгол, Оросын иж бүрэн стратегийн түншлэлд бүс нутгийн хамтын ажиллагаа чухал үүрэгтэйг онцлон, боловсрол, соёл урлагийн салбар дахь хамтын ажиллагааны талаар санал солилцов.