ДЭЛХИЙН БИЗНЕС ЭРХЛЭГЧ ЭМЭГТЭЙЧҮҮДИЙН ЧУУЛГА УУЛЗАЛТ 2025 ОНЫ 08 ДУГААР САРЫН 25-26-НД УЛААНБААТАР ХОТНОО ЗОХИОН БАЙГУУЛАГДАНА.

Монгол Улсын Ерөнхийлөгчийн Тамгын газар, ГХЯ, МҮХАҮТ-аас Ерөнхийлөгч У.Хүрэлсүхийн ивээл дор Дэлхийн бизнес эрхлэгч эмэгтэйчүүдийн чуулга уулзалтыг энэ сарын 25-26-нд зохион байгуулна.

“Урам зориг өгөх-нөлөөлөл үзүүлэх, хөрөнгө оруулах” (Inspire-Impact-Invest) уриатай энэ чуулга уулзалт нь Ерөнхийлөгч эмэгтэйчүүдийг дэмжсэн дөрөв дэх томоохон үйл ажиллагаа бөгөөд 25 улсын 230 гаруй зочин төлөөлөгч оролцох юм. 

Чуулганаар эмэгтэйчүүдийн эдийн засгийн оролцоог нэмэх, манлайллыг төлөвшүүлэх, эмэгтэй бизнес эрхлэгчдийн санхүү, хөрөнгө оруулалтын хүртээмж, дижитал өөрчлөлт ба инновац, ногоон хүртээмжтэй эдийн засгийг цогцлооход бизнес эрхлэгчдийн үүрэг оролцоо, дижитал эдийн засаг дахь эмэгтэй экспортлогчдыг дэмжих сан зэрэг салбар хурал болох аж. 

Эх сурвалж: https://montsame.mn/mn/read/376216