"ДЭЛХИЙН БИЗНЕС ЭРХЛЭГЧ ЭМЭГТЭЙЧҮҮДИЙН ЧУУЛГА УУЛЗАЛТ"

Монгол Улсын Ерөнхийлөгчийн ивээл дор, Гадаад харилцааны сайдын санаачилгаар 2025 оны 08 дугаар сарын 25-26-ны өдрүүдэд зохион байгуулагдах "Дэлхийн бизнес эрхлэгч эмэгтэйчүүдийн чуулга уулзалт"-ын хүрээнд "WWEF: Inspiring the Youth" арга хэмжээ Гадаад харилцааны яамны "Зөвшилцөл" танхимд 2025 оны 08 дугаар сарын 24-ний өдөр зохион байгуулагдана. Энэхүү арга хэмжээнд салбар, салбарын 120 гаруй залуус оролцон шинэ боломжуудыг нээх, туршлага солилцох, урам зориг авахын зэрэгцээ эмэгтэйчүүдийн манлайлал, хөгжлийн чиг хандлагын талаар мэдээлэл авч, өөрийн ирээдүйн зорилгоо тодорхойлох боломжтой. Уг арга хэмжээнд оролцох хүндэт зочдыг танилцуулж байна.