“ӨНӨӨГИЙН ЗООНОЗЫН ХАЛВАРУУД” XI ОЛОН УЛСЫН ЭРДЭМ ШИНЖИЛГЭЭНИЙ ХУРАЛ ЭРХҮҮ ХОТНОО

“Өнөөгийн зоонозын халварууд” XI олон улсын эрдэм шинжилгээний хурал 2026 оны 09 дүгээр сарын 10-ны өдөр ОХУ-ын Эрхүү хотын Гэр бүлийн эрүүл мэнд, нөхөн үржихүйн асуудлын шинжлэх ухааны төвд нээлтээ хийв.

Энэхүү эрдэм-шинжилгээний хурлын гол зорилго нь амьтнаас хүнд халдварладаг өвчнийг судлах чиглэлийн эрдэмтэн, мэргэжилтнүүдийг нэгтгэх явдал бөгөөд ОХУ, Монгол Улс, Бүгд Найрамдах Казахстан Улс, Армени болон бусад улс орны төлөөлөгчид хүрэлцэн ирэв.

Нээлтийн ёслолд Сибирь, Алс Дорнодын Тахлын эсрэг өвчний шинжлэх ухааны төвийн Холбооны Улсын төсвийн шинжлэх ухааны байгууллагын захирал, Оросын Шинжлэх ухааны академийн гишүүн, анагаахын шинжлэх ухааны доктор Любовь Владимировна Рычкова, Эрхүү хотын Эдийн засаг хөгжлийн сайд В.Ю.Цишковский, Монгол Улсаас Эрхүү хотод суугаа Ерөнхий консулын дэд консул Ж.Хажидсүрэн, Монгол Улсын Зоонозын өвчин судлалын үндэсний төвийн эрдэмтэн нарийн бичгийн дарга Д.Цэрэнноров, ЗӨСҮТ-ийн гадаад харилцаа, төсөл хариуцсан мэргэжилтэн Б.Уянга, мөн төвийн тархавар судлаач Б.Ундраа, биологич Ж.Батцэцэг, программист Н.Ураншагай нар оролцов.

Хурлын хүрээнд Гэр бүлийн эрүүл мэнд, хүний ​​нөхөн үржихүйн шинжлэх ухааны төвийн удирдлага болон Монголын Зоонозын өвчин судлалын үндэсний төвийн төлөөлөгчид ажлын уулзалт хийж, талууд хамтын ажиллагааг хөгжүүлэх боломжит чиглэлүүдийн талаар хэлэлцлээ.

Бага хурал нь эмгэг төрүүлэгчдийн генетикийн олон янз байдал ба хувьсах чанар, тархвар судлал ба эпизоотологи, цаг уурын өөрчлөлтийг харгалзан байгалийн голомтын экологи, орчин үеийн лабораторийн оношлогооны аргууд, вакцин болон вирусын эсрэг эмийг хөгжүүлэх зэрэг өргөн хүрээний сэдвүүдийг хамрах бөгөөд 9 сарын 12 хүртэл үргэлжилнэ.