Монгол Улсаас Оросын Холбооны Улсын Эрхүү хотод суугаа Ерөнхий консул Ж.Энхжаргал БНСаха/Якут/Улс байгуулагдсаны 100 жилийн ойг үндэсний наадам “ЫСЫАХ”-тай хамтатган тэмдэглэсэн арга хэмжээнд оролцож, БНСаха/Якут/Улсын Засгийн газрын Ерөнхий сайд Тарасенко А.В.-тэй уулзав.

Монгол Улсаас ОХУ -ын Эрхүү хотод суугаа Ерөнхий консул Жигмидийн Энхжаргал 2022 оны 3 дугаар сарын 02 -оос 04 өдрүүдэд Красноярскийн эдийн засгийн чуулга уулзалтад оролцох үеэрээ тус мужийн амбан захирагч А.В.Усстай уулзаж Монгол - Красноярскийн хязгаар хоорондын хамтын ажиллагааг хөгжүүлэх талаар ярилцаж санал солилцов. Ерөнхий консул Ж.Энхжаргал эдийн засгийн чуулга уулзалтад үг хэлж, МУ-ын Шинэ сэргэлтийн бодлогыг танилцуулж, Монгол Оросын бус нутаг хоорондын хамтын ажиллагааг шинэ шатанд гаргахад Красноярскийн хязгаар чухал үүрэгтэй болохыг онцлон тэмдэглэв.

УОК-ын 2022 оны 1 дүгээр хуралдаанаас гадаад улсаас ирсэн хүмүүсийг тусгаарлан ажиглах байранд 3 хоног тусгаарлаж байсныг цуцлах шийдвэр гаргаснаар 2022 оны 1 дүгээр сарын 12-ны өдрөөс эхлэн гадаад улсаас ирсэн хүмүүсийг тусгаарлан ажиглах үйл ажиллагааг зогсоов. Өнөөдрийн байдлаар гадаад улсаас ирсэн 0-4 наснаас бусад бүх хүмүүсээс хилийн боомтын нэвтрэх цэгт ПГУ шинжилгээ авч, 3 хоногийн хугацаанд гэртээ өөрийгөө ажиглах зөвлөмжийг өгч байна.

“Монгол Улс коронавирусын эсрэг вакцины нэмэлт 4-р тунд 2022 оны 1-р сарын 7-оос эхлэн нийт иргэдээ сайн дурын үндсэн дээр хамруулж эхэллээ. Одоогийн байдлаар тус улсын нийт иргэдийн 66,6 хувь вакцины бүрэн тунд хамрагдаад байгаа бол нэмэлт 3-р тунд 28,7 хувь нь хамрагджээ.

2021 оны 12 дугаар сарын 1-ний өдрөөс эхлэн ОХУ, Монгол улстай дараах чиглэлүүдэд харилцан агаарын замын хилээ нээх шийдвэр гаргасан байна.
1. Москва-Улаанбаатар-Москва 7 хоногт 3 удаа
2. Улаан-Үд-Улаанбаатар-Улаан-Үд 7 хоногт 1 удаа
3. Эрхүү-Улаанбаатар-Эрхүү 7 хоногт 1 удаа
4. Красноярск-Улаанбаатар-Красноярск 7 хоногт 1 удаа

Монгол Улсын УИХ-ын Тамгын газраас Үндэсний эрх чөлөө, тусгаар тогтнолоо сэргээсний түүхт 110 жилийн ойн хүрээнд хилийн чанадад оршин суугаа монгол хүүхдүүдийн дунд Монгол Улсын Их Хурлын Дарга Г.Занданшатарын нэрэмжит “Би монгол хүн” сэдэвт зохион бичлэг болон гар зургийн уралдааныг зарлаад байна.